Mir Lüt hie hei’s rächt,
mir Lüt hie hei’s guet,
mir bruuche nid Macht,
mir bruuche nid Muet,
wiu nämlech d‘Wirtschaft,
für üses Wohl guet sorge tuet,
u d‘Füehrigscrew wacht,
dass si wachst, üses auerhöchscht' Guet
Doch hei die äch rächt,
u geit’s üs so guet?
Wär het drfür blächt,
u wär het iigluegt?
Chuum eine wo ächt
us purer Fröid am Läbe strahle tuet
Doch grüble isch schlächt,
ja Chopfweh gits, es tuet mer nid guet
U denä wo’s schlächt
geit, die hei e Wuet,
si stige i d‘Schächt
u zahle mit Bluet