Dahei

2009
 

Isch's z Lache gsi, oder di schöne Ouge

wo mi a di hei mache z gloube
Ha täicht du stiusch au mis Verlange
statt dessi hesch mi hie la hange.

Ä Fläsche Bier u de no eini

u scho bini nümm ganz aleini
Dür mängi Nacht hesch du mi gno
bis i dir chuum me los bi cho.

I sueche es Dahei uf Ärde
woni cha si u zfride wärde
I sueche Troscht, i bruche Liebi
Wär bisch du wo mir au das giebi?


Ha gwärchet fasch wi nes Ameisi

für Stouz u für ne grosse Gwinn
Ja au das blibt mir nid, das weis i
doch wo fing' i süsch no e Sinn?

Trotz auem bisch nie ganz verschwunde
töif unge hani di entdeckt
Ir Sehnsucht hesch mi a di bunge
wird d’Liebi ersch bi dir perfekt?

Mängisch ir Stilli für mi allei
merki vo dir u dire Liebi
Du bisch's für wän i aues giebi
du bisch's, bi dir bini dahei.

©  Item