Mir wei eso viu, mir wärde chuum stiu, u merke drum nümme grad viu
Mir tragen e Ring dür d’Nase, si bling vom Grase ir Shopping-Oase
So wärde mir gfüehrt ar Nase, si müed vom jage nach Seifeblase
Doch geng mit em Wind, so loufe mir gschwind, mir
si ja doch Herdetier,
u niemer fragt wo's härefüehr
Mir loufe ja mit, ...
U die wo dert zieh am Seili hei nie gnue, gö über Liiche drfür
Doch niemer wott gseh dä Ring, wo doch d’Ehr vo
jedem verletzt e so sehr
Mir fürchte Verzicht u Luxus het Gwicht, si
ständig uf öppis erpicht
So isch's Angscht u Gier, wo üs mache stier u gliichzytig fougsam drfüür,
z’mache was di Mächtige wei
Isch ds Seil nümm so läng, wird z’fouge de
gäng je lenger je meh nume Zwang
U drum isch es schlau, we mä wider mau sich bsinnt
u ar Nase nimmt
U de trennte mir das Seili drdüür, u gwinnti e
Freiheit drfüür, wo mir scho lang nümm gchoschtet hei
Doch mir wüsse nii, wo här u wo hii, hei Angscht u
drum lö mer’s la sii,
drbii hätt jeden e Kompass