Item Cafe

Es mues doch e Wäg gäh
zu däm Tau us da
es het aube Täg gäh,
wo mer aues hei gha
U wo mir hei glacht
un üs um nüt u niemer Sorge hei gmacht,
aber Zyt isch en angeri hütt

Mir früüre a d‘ Fingere,
mir früüre a d‘ Bei
Ma mi no erinnere,
wi’s gsii isch dahei
E Stube vou Liecht,
am Schmineefüür het’s mi so heimelig tüecht
Aber Zyt isch en angeri hüt

Warum ghört üs niemer,
u git üs si Hang
Es gseht us aus wandle si
toub umenang
Es Härz wo verschänkt, bruucht die Wäut,
nid eis wo nume a sich säuber dänkt
Aber Zyt, isch en angeri hütt

Herr la nid verlore ga,
wär nach Liebi suecht,
o we mir dä Wäg da
hei mängisch verfluecht
Am Änd vo de Täg
steit es Hüsli vouer Liechter am Wäg
Aber Zyt, isch en angeri hüt

Angeri Zyt